Erna Sigmundsdóttir skrifar Flokkað undir Matur & Vín.

17.júní – Pönnuköku hnallþóra

Pönnukökur
2 stk egg
1 dl sykur
3 dl hveiti
1 tsk lyftiduft
1 tsk vanilludropar
½ tsk kardimommudropar
smá salt
3 msk brætt smjör
4 dl mjólk, 4-5 dl eða eftir þörfum

Fylling
740 ml rjómi
1 askja jarðarber
1 askja bláber
góð berjasulta
3 tsk flórsykur

Aðferð:

1. Þeytið egg og sykur saman í hrærivél þar til eggjablandan verður létt og ljós.

2. Blandið þurrefnum saman við. Bætið því næst vanillu- og kardimommudropum, smjöri og mjólk út í og hrærið varlega í deiginu með sleif.

3. Steikið pönnukökurnar á pönnukökupönnu í 1-2 mínútur á hvorri hlið.

4. Kælið kökurnar vel áður en þið setjið á þær rjómafyllingu.

 

Fylling – aðferð:

1. Þeytið rjóma og bætið flórsykri saman við.

2. Merjið 10 jarðarber með gaffli og blandið varlega saman við rjómann.

3. Smyrjið pönnuköku með sultu og setjið vel af rjóma yfir, endurtakið leikinn þar til rjóminn klárast.

4. Skreytið kökuna gjarnan með fallegum berjum t.d. bláberjum og jarðarberjum. Sigtið einnig smávegis af flórsykri yfir kökuna í lokin og kælið í ísskáp í 1-2 tíma áður en þið berið kökuna fram.

Höfundur: Eva Laufey Kjaran

Uppskrift frá Gott í Matinn HÉR