Eva Ruza skrifar Flokkað undir Menning & Listir.

Eva Ruza-Fulla ferð áfram Holly!

Dettar mér allar dauðar lýs af höfði (hef samt aldrei fengið lús)

Nýjustu fréttir herma að Bíberinn…

-og æskuástin Selena Gomez séu komin í heit faðmlög hvors annars á ný ,eftir að Selena hætti með tónlistamanninum Weeknd.

 Weeknd og Selena hættu saman í byrjun október og stuttu seinna var Selena hlaupin í faðm Biebersins síns….og Weeknd farinn í sleik aftur við Bellu Hadid sem er hans fyrrverandi.

Reyndar var Weeknd fljótari að jafna sig en Selena og eftir að hann byrjaði aftur að hanga með Bellu, þá ,,unfollowaði” Selena hann á Instagram.

Hann ,,unfollowaði” hana þá og eftir að Selena fór að slubba upp í Bieberinn aftur að þá eyddi Weeknd öllum myndum á gramminu sínu þar sem Selena sást.

It´s like she never existed in his life!

Sella er víst ferlega sár yfir þessu, hún hélt að þau yrðu vinir að eilífu.

Það virðist vera ákveðið statement í Hollywood að unfollowa einhvern sem þú fílar ekki og það kemur á öllum helstu slúðurmiðlum með feitletruðum stöfum að sú aðgerð hafi átt sér stað :

,,The Weeknd unfollows Selena on Instagram”

-og allir úaaa og hváa yfir þessum svakalega atburði sem átti sér stað.

Eins gott að það komi ekki á vísir.is að Eva Ruza hafi unfollowað Justin Bieber…það gerðist nefninlega um daginn.

Reyndar áður en hann byrjaði aftur með Selenu og fór út að hjóla með henni geggjað happy.

Ég þarf held ég að followa hann aftur núna til að get the juicy stöff. Var bara orðin smá þreytt á hann væri að pósta ca.37 myndum í röð sem voru allar nákvæmlega eins.

Ég held að þetta sé það besta sem gæti komið fyrir Justin, sem mér hefur, eins og ég hef áður rætt, fundist vera komin í einhverja bölvaða andlega krísu.

Og þegar ég spái meira í því að þá finnst mér hann hafa breyst svo mikið eftir að hann og Selena hættu saman.

Núna held ég að sólin fari aftur að skína hjá fyrrum félaga mínum Justin Bieber.

Ef við zippum okkur núna yfir í eina af mínum uppáhalds fjölskyldum vestanhafs, Kardashian, að þá halda vangaveltur áfram um hið stóra óléttumál…eða réttara sagt, HIN STÓRU óléttumál i fleirtölu áfram.

Gjörsamlega óþolandi mál í alla staði og er mér algjörlega óskiljanlegt að alltí einu núna séu þær að liggja eins og ormar á gulli á einhverju leyndarmáli.

Nú hef ég ekki séð nema eina mynd af Kylie í fullri lengd í leeeeengri lengri tíma.

Og sú skvísan var ansi iðin við að pósta virkilega kynþokkafullum myndum af sjálfri sér á flestum þeim miðlum sem hún komst í tæri við.

Hinsvegar hef ég einungis séð myndir af henni í brjóstshæð og miðað við það sem ég sé að þá finnst mér varir hennar vera orðnar töluvert þrýstnari, kinnarnar með aðeins meiri fyllingu, og þá er eg ekki að tala um Botox fyllingu…..onei.

Alls ekki.

Khloé er víst líka ólétt ef fréttir eru sannar og mikið ofbosðlega mundi ég samgleðjast henni innilega, því hún hefur lengi þráð barn, eða alveg síðan hún var gift Lamar Odom. En málið er að hún Khloé leyfir mér í raun ekki að samgleðjast því HÚN VILL EKKI SEGJA MÉR HVORT HÚN SÉ ÓLÉTT!!!

Mama Kris er reyndar búin að vera að droppa bombum hér og þar og allir lesa staðfestingu af hennar hálfi úr því, en ekki ég. Nei, ég nenni ekkki að láta hana plata mig. Kannski er þetta allt bara publicity stunt, því það vita allir sem fylgjast með þessum heimsfrægu mæðgum að þær reka multi milljón dollara veldi í Kardashian nafninu og hafa byggt stórveldi á því. Og hafa þá lært að allt umtal er gott fyrir brandið.

Ég held áfram að fylgjast með þessum málum og uni mér ekki hvíldar fyrr en Bieber og Gomez ganga í það heilaga og K-systurnar fæða börn í þennan heim.

Annars er ég bara hress og kát og virkilega hamingjusöm eftir vel heppnaða Miami ferð með mínum heittelskaða. Já, best að ég hendi í einn Miami pistil næst fyrir ykkur.

 

Nýja árið sem framundan er hjá mér er að stútfyllast af allskonar HRIKALEGA spennandi verkefnum sem ég hlakka til að leyfa ykkur að fylgjast með, bæði á snappinu evaruza og instagram evaruza..og nánast flestum samfélagsmiðlum sem eru í boði.

Þið eruð hvergi laus við mig.

Er komin með harðsperrur í fingurnar núna og kveð ykkur að sinni.

One Love

Eva Ruza

Þið finnið mig inná minni eigin sjónvarpsstöð á snappinu:  evaruza

Instagram: evaruza

Einnig finnið þið mig inni á facebook síðunni minni: Eva Ruza