Erna Sigmundsdóttir skrifar Flokkað undir Matur & Vín.

Grilluð og fyllt kjúklingabringa með miso dressingu og grilluðum sætum kartöflum

Miso dressing

½ rauðlaukur
1 hvítlauksgeiri
130 gr miso
2 msk sesamolía
2 msk sojasósa
2 msk hrísgrjónaedik
2 msk mirin
2 msk vatn
60 ml ólífuolía

Setjið allt hráefnið saman í matvinnsluvél og vinnið saman í 1 mín.

Kjúklingurinn

4 stk kjúklingabringur
1 stk tex mex smurostur
100 gr blaðlaukur
2 msk sesamolía
Sjávarsalt
Svartur pipar úr kvörn
2 msk sesamolía
2 msk limesafi
2 msk sojasósa

Grillaðar sætar kartöflur

2 stk sætar kartöflur
100 ml ólífuolía
1 msk hvítlauksduft
Sjávarsalt
Svartur pipar úr kvörn
Skrælið og skerið

Skerið blaðlaukinn fínt niður og blandið honum saman við smurostinn og 2 msk af sesamolíunni, setjið svo blönduna í sprautupoka. Skerið í miðjuna á kjúklingabringunum hálfa leið og svo 1-2 skurði sitt hvoru megin við skurðinn og búið þannig til vasa sem að þið sprautið fyllingunni inn í. Blandið saman lime safanum, sojasósunni og sesamolíunni. Leggið ca. 35 cm tvöfaldan álpappír á borðið og setjið bringurnar ofan á hann og hellið sesam-,soja- og limesafa blöndunni yfir bringurnar og kryddið með salti og pipar. Leggið álpappírinn yfir bringurnar og setjið bringurnar á heitt grillið. Eldið í ca. 20 mín (fer eftir stærð á bringunum). Grillaðar sætar kartöflur lýsing: Skerið kartöflurnar í ca. 5 mm þykkar sneiðar. Blandið ólífuolíunni og hvítlauksduftinu saman og penslið kartöflurnar. Setjið kartöflurnar á heitt grillið og grillið í 3 mín. Snúið þeim svo á grillinu í um 180 gráður og grillið þær aftur í 3 mín. Snúið svo kartöflunum við og gerið það sama á þeirri hlið. Takið kartöflurnar af grillinu og kryddið með saltinu og piparnum.
Uppskrift frá uppskriftarvef Hagkaups  HÉR