Erna Sigmundsdóttir skrifar Flokkað undir Tíska & Hönnun.

Hringtrefill – frí uppskrift

Við rákumst á þessa uppskrift á skemmtilegri handavinnusíðu prjonastelpa.com og fengum leyfi til að birta hana hér á KRÓM fyrir okkar frábæru lesendur.

Þessi uppskrift er bæði flott og einföld.

Stærð:

Ein stærð, ca. 120 cm að lengd.

Efni:

Abuelita Merino Worsted:                2 hespur 

eða

Fyberspates Scrumtious DK:         2 hespur

Prjónar 6-8 mm 

Notið frekar stærri prjóna heldur en minni, sérstaklega ef prjónað er fast. Þannig verður trefillinn léttari í sér.

Prjónfesta:

Skiptir ekki máli.

Aðferð:

Trefillinn er prjónaður fram og til baka með klukkuprjóni og svo saumaður saman í lokin.

Klukkuprjón:

Fitjið upp 40-46 lykkjur eftir því hvað trefillinn á að vera breiður.

Umferð 1: *Sláið bandinu upp á prjóninn, takið eina óprjónaða brugðið, prjónið 1 slétt* – Endurtakið *-* út umferð.

Umferð 2: *Sláið bandinu upp á prjóninn, takið eina óprjónaða brugðið,  prjónið 2 saman (þ.e. 1 lykkju og bandið sem var slegið upp á í fyrri umferð)* – Endurtakið *-* út umferð.

Endurtakið umferð 2 þar til ca. 50 cm eru eftir af garni. Notið garnið til að sauma saman endana tvo svo úr verði hringur. Einnig er hægt að lykkja þá saman.

 Góða skemmtun

krom1 (1)