Ingibjörg Katrín Linnet skrifar Flokkað undir Matur & Vín.

Inga Kristjáns: Matseðill vikunnar og uppskriftir

 

 

Mesikósk Kjúklingasúpa

Hráefni:

  • 2 kjúklingabringur
  • salt
  • 1/2 blaðlaukur, smátt saxaður
  • 1 rauð paprika, smátt söxuð
  • 1 msk ólívuolía
  • 1 líter vatn
  • 1 kjúklingateningur
  • 1 dós saxaðir tómatar
  • 4 msk chili-sósa
  • 3 msk tómatþykkni (tomato paste)
  • 100 gr rjómaostur
  • nachos-flögur
  • rifinn ostur
  • sýrður rjómi

Aðferð: 

Byrjaðu á að steikja kjúklingabringurnar á pönnu með smá salti þar til þær eru eldaðar í gegn. Ég sker kjúklingin í bita áður en ég steiki þá.

Steiktu blaðlaukinn og paprikuna í ólífuolíunni við miðlungs hita. Hitaðu vatnið í potti og leystu kjúklingateninginn upp í vatninu. Bættu grænmetinu út í kjúklingasoðið ásamt hökkuðum tómötum, chili-sósu og tómatmauki og leyfðu súpunni að malla við vægan hita í 10 mínútur.

Bættu rjómaostinum í súpuna í litlum skömmtum og láttu hana malla aðeins á milli svo að rjómaosturinn leysist upp. Bættu að lokum kjúklingabitunum út í.

Best er að bera súpuna fram með sýrðum rjóma, rifnum osti og nachos snakki.

Screen Shot 2017-07-09 at 9.01.47 PM

Grænmetis baka

 

Botninn:

  • 3 dl hveiti
  • 100 g smjör
  • 3 msk vatn

Hitið ofninn í 225°. Blandið deiginu í botninn saman þannig að það myndi klump, fletjið hann út og fyllið út í bökumót
Forbakið í ca 10 mínútur.

Fylling:

  • 1 sæt kartafla (meðalstór)
  • krydd eftir smekk (ég var með Best á allt, Ítalska hvítlauksblöndu, salt og pipar)
  • 1 laukur
  • 2 hvítlauksrif
  • 2 handfylli af spínati
  • 2 msk balsamik edik
  • 2 egg
  • 2 dl mjólk
  • 150 g fetakubbur, mulinn í bita
  • handfylli af cashew hnetum

Skerið sætu kartöfluna í teninga, veltið upp úr ólífuolíu og kryddið. Bakið við 180° í 20 mínútur.

Hakkið lauk og hvítlauk. Hitið pönnu yfir miðlungsháum hita, bræðið smjör á pönnunni og bætið svo lauk og hvítlauk á hana. Steikið þar til mjúkt. Bætið spínati á pönnuna og steikið áfram í um 2 mínútur. Bætið þá balsamik ediki saman við og kryddið með salti og pipar. Steikið allt saman í um 2 mínútur, takið svo af hitanum og látið standa aðeins.

Hrærið saman mjólk og egg.

Setjið helminginn af sætu kartöflunum í botnin á bökubotninn. Setjið lauk- og spínatblönduna, fetaost og cashew hneturnar yfir. Ef það er pláss, stingið þá fleiri sætum kartöflum í bökuna. Hellið eggjablöndunni yfir. Bakið í 35-40 mínútur við 180°. Ef bakan fer að dökkna þá er gott að setja álpappír yfir hana.

Þessa uppskrift fékk ég hjá www.ljufmeti.com uppáhalds matarblogginu mínu!

Screen Shot 2017-07-09 at 9.01.54 PM

Mexico Lasagna

Hráefni:

  • Hakk
  • 1 Paprika
  • 1 laukur
  • Kotasæla
  • Fahitas pönnukökur
  • Rifinn ostur
  • Salsa sósa
  • Brokkolí
  • Salt
  • Pipar

Aðferð:
Byrjið á því að kveikja á ofninum, 180 gráður á blæstri. Steikið hakkið á pönnu, setjið strax smáttskorinn lauk, salt og pipar á pönnuna með hakkinu. Þegar hakkið er orðið þokkalega eldað skaltu bæta við þrem matskeiðum að kotasælu, papriku og brokkolí, að lokum salsa sósunni. Hellið helmingnum af blöndunni í eldfast mót og tvær fahitas pönnukökur ofan á það. Hellið síðan restinni af blöndunni og bætið tvem öðrum fahitas pönnukökum ofan á það. Stráið svo vel af rifnum osti. Rétturinn þarf 20 mín inní ofni.

 

Screen Shot 2017-07-09 at 9.02.00 PM

Satay Kjúklingasalat

Hráefni:

  • kjúklingabringur
  • Satay sósa
  • spínat
  • rauðlaukur
  • rauð paprika
  • cherry tómatar
  • salthnetur
  • fetaostur

Skerið kjúklingabringurnar í bita og steikið á pönnu. Hellið satay sósunni yfir og látið malla þar til kjúklingurinn er eldaður í gegn.

Skerið papriku og rauðlauk og cherry tómata í tvennt.

Setjið spínat í botninn á eldföstu móti. Setjið kjúklingin yfir spínatið ásamt helming af sósunni. Setjið papriku, rauðlauk, cherry tómata og fetaost ásamt aðeins meira af sósunni yfir. Dreifið salthnetum yfir og setjið restina af satay sósunni í skál og berið fram með. Ótrúlega gott að setja smá nachos með í réttinn

Screen Shot 2017-07-09 at 9.35.07 PM
nautakjöts fahitas

Hráefni:

    • Nautakjöt
    • salsasósa
    • fahitas pönnukökur
    • paprika
    • rifinn ostur
    • gúrka
    • laukur
    • sýrður rjómi
    • tómatur
    • spínat

     

  • AðferðKjötið er steikt á pönnu og lauk og kryddað með salti og pipar.Meðlæti sem ég hef er t.d gúrka, paprika og tómatur, sýrður rjómi, rifinn ostur, spínat og salsa sósa sem ég set allt í sitthvora skálina og ber á borð.Þegar allt er tilbúið getur hver og einn raðað á fahitas pönnukökuna sína að vild. Finnst þetta alltaf snilldar máltíð, því hún hentar öllum og er frábær í nesti daginn eftir! Einfalt og mega þægilegt

Njótið xx

Geggjuð vegan marengs kaka með kókosrjóma, jarðarberjum og hindberjum!

Veg­an-mar­engs með kó­kosrjóma og jarðaberjum! HALLÓ SÆTA! Maregns 220g syk­ur Heil dós af kjúk­linga­bauna­safa 2 boll­ar korn­fl­ex 1 tsk. lyfti­duft   Kókos-Rjóma­fyll­ing 3 dós­ir af […]

Mjúkar og dásamlegar M&M kökur með leynihráefni !

INNIHALD: 100 gr af smjöri við stofuhita 1/2 bolli sykur 1/2 bolli púðursykur 1 stórt egg 1/2 teskeið vanilludropar 1-1/2 bolli hveiti 3 matskeiðar vanillibúðingur  Þetta gerir […]

Inga Kristjáns: Mexico Lasagna – Einföld og bragðgóð uppskrift

Þegar ég horfi til baka þá er ég búin að hafa þetta tiltekna lasagna í matinn einu sinni í viku í nokkra mánuði… Þetta er […]

Dásemdar pastaréttur með pepperoni og piparostasósu

Rétturinn er ofureinfaldur í gerð og elskaður af öllum sem hann bragða. Hráefni 250 g. tagliatelle frá RANA 3 msk. smjör 1-3 hvítlauksrif – smátt […]

Emilía – Heimsins besti chiagrautur.. að mínu mati

Það tók mig langann tíma að læra að meta chia graut. Ég gerði margar tilraunir til að búa hann til en fannst hann einhvernvegin aldrei […]

Dásamlega góðar – Glúten og sykurlausar bollur með jarðaberjarjóma !

Flestir hafa nú sínar skoðanir á hvernig bollu skal velja sér á bolludögum. Vatnsdeigsbollur, gerbollur, bollur með frómas, rommbragði, súkkulaðimús, sultu, ekki sultu, glassúr, súkkulaði, […]

Uppskrift – Besta sveppasúpa í heimi

Besta sveppasúpa í heimi Innihald 1 laukur 1 bakki sveppir niðurskornir ca 10 st 1 bakki  portobello sveppir niðurskornir ca 10 st 10 stilkar  timjan  1 bolli soð úr sveppatening 1 matskeið hveiti  1 bolli […]

Uppskrift – Vatnsdeigsbollur og þrjár frábærar fyllingar sem allir elska

Nú líður að bolludegi og flestir landmenn gæða sér á einni rjómabollu eða svo ekki eins og einhver sé að telja .  Í bakaríum landsins […]

Emilía- Dásamlegar kókoskúlur sem smellpassa inní heilbrigðan lífsstíl

Ég var alveg handviss um að ég hefði fyrir löngu síðan deilt með ykkur þessari kókoskúlu uppskrift en ég hef líklega aðeins deilt henni á […]