Lína Birgitta: Opnunarpartý nýrrar íþróttalínu “Define The Line Sport”

Myndir: Inga Sör

Ég get varla líst því með orðum hvað ég er ánægð með viðbrögðin við íþróttalínunni minni! Þið eruð svo yndisleg og ég elska að heyra frá ykkur. Ég launchaði íþróttalínunni Define The Line Sport síðastliðinn þriðjudag sem var ekkert smá gaman. Partýið var í forsetasvítunni Útgarður á Grand Hóteli í Reykjavík og vá hvað er nice að halda viðburð þar inni því það er gott pláss og svalir allan hringinn. Ég pantaði léttar veitingar frá hotelinu en súkkulaðikakan þaðan er tryllt góð og ég tala nú ekki um súkkulaðihúðuðu jarðaberin! Kvöldið gekk svaka vel fyrir sig og að sjálfsögðu fór enginn tómhentur heim en allir gestir fengu gjafaöskju sem innihélt gjafabréf með buxum að eigin vali og Rís páskaegg númer 6 frá Freyju. Íþróttafötin eru komin í sölu og fást inná www.definethelinesport.com og það er frí rekjanleg sending á öllum vörum. Línan inniheldur þrjár buxur og tvo æfingatoppa en bara svo það sé á hreinu þá er þetta aðeins byrjunin á stóru ævintýri. Ég hlakka til komandi tíma og get ekki beðið eftir að sjá ykkur í Define The Line Sport! Það er gaman að segja frá því að æfingabuxurnar ganga líka sem leggings buxur fyrir þær sem elska að vera í leggings og líka sem kósý buxur því þær eru svo ótrúlega mjúkar og þægilegar. Buxurnar eru í frekar venjulegum stærðum en ég sjálf tek alltaf stærð small í æfingabuxum og nota small í Define The Line Sport. Topparnir eru hinsvegar örlítið minni þannig ef þið eruð á milli stærða þá mæli ég með að taka stærri stærðina. Ég tek yfirleitt alltaf stærð medium í æfingatoppum og tek líka medium í Define The Line Sport því ég vil að toppurinn haldi vel að og haldi brjóstunum niðri svo þau séu ekki útum allt haha! Topparnir koma með púðum sem hægt er að taka úr sem er mjög hentugt því það er svo misjafnt hver vill púða og hver ekki.