Lína Birgitta: Það sem ég mæli með í London!

Ég varð að deila nokkrum myndum með ykkur úr síðustu London ferð enda var þessi ferð var aðeins of góð! Þar sem að ég fæ mikið af spurningum með hverju ég mæli með í London þá ætla ég að bomba því hér fyrir neðan.

1.Það er algjört must að fara í Afternoon Tea á Sketch. Staðurinn er þvílíkt flottur enda er hann allur bleikur að innan, maturinn æðislegur og stemningin mjög góð. Þið getið bókað borð HÉR.

2.Uppáhalds kaffihúsið mitt í London er Peggy Porschen. Kökurnar eru góðar og heita súkkulaðið hjá þeim er tryllt gott. Staðurinn er mega kjút enda er algjör skylda að taka nokkrar myndir þar!

3.Veitingastaðir sem ég mæli með er Nobu, Hakkasan, Sushi Samba og Coya. Ég elska að borða góðan mat og maður fær geggjaðan mat á þessum stöðum!

4.Ég mæli með að bóka driver á flugvöllinn sem pikkar ykkur upp og sömuleiðis til að skutla ykkur tilbaka á völlinn. Ég nýt mér þjónustuna hans Toks sem er algjör snillingur. Hann er hagstæður í verði og veitir topp þjónustu. Hann tekur vel á móti þér á flugvellinum og skutlar þér þangað sem þú þarft að fara. Þið getið bókað far hjá honum á email-i toksodofin@gmail.com. Það kostar aðeins 70 pund að láta hann skutla sér frá flugvellinum en venjulegur taxi er yfirleitt á 120-150 pund. Hann keyrir um á Benz og Jaguar.

5.Ef ykkur langar að versla í fínni búðum og viljið ekki fara á Bond Street því það er svo oft pakkað á þeirri götu þá mæli ég með uppáhalds verslunargötunni minni sem heitir Sloane Street. Allar fínu búðirnar eins og Chanel, Louis Vuitton og Gucci eru þar og maður fær mikið betri þjónustu en á Bond Street.

6.Ég og Berglind gistum á The Mayfair Hotel sem er fimm stjörnu hotel á geggjuðum stað. Maður getur labbað nánast allt og andrúmsloftið á hotelinu er mjög gott. Ég mæli samt meira með Jumeirah Lowndes Hotel ef þið viljið betri og persónulegri þjónustu en Mayfair Hotel er á betri stað uppá að geta labbað.