Erna Sigmundsdóttir skrifar Flokkað undir Matur & Vín.

Ofnbakaðar kjúklingalundir í mexíkóskri sósu með fersku kínóasalati og sýrðum rjóma

innihald
600 g kjúklingalundir
olía
sjávarsalt og svartur pipar
1 dl rifinn mozzarellaostur í poka

mexíkósk sósa
2 msk olía
½ stk laukur, saxaður
1 stk hvítlauksrif, saxað
1 ds niðursoðnir maukaðir tómatar, safi skilinn frá
3 msk tómatamauk
1 stk lárviðarlauf
1 stk rautt chillí, saxað
1 dl sýrður rjómi
1 msk ferskur kóríander, saxaður
sjávarsalt og svartur pipar

kínóasalat
2½ dl kínóa
5 dl vatn
1 stk grænmetisteningur
1 msk ólívuolía
1 stk límóna, safi og fínrifinn börkur
1 stk rautt chilí, fræhreinsað og fínsaxað
1 stk mangó, skorið í teninga
handfylli af fersku kóríander, saxað
50 g spínat eða klettasalat, saxað
svartur pipar

meðlæti
1 ds sýrður rjómi
1 stk límóna, skorin í báta

Aðferð:

1. Byrjið á að sjóða kínóa. Setjið það  í pott ásamt vatni og grænmetisteningi. Látið suðuna koma upp. Látið þá lok á pottinn. Lækkið hitann og látið malla í 10 mínútur. Takið pottinn af hellunni og látið standa með lokinu á í 5 mínútur. Takið þá lokið af og látið kólna í pottinum.

2. Lokið kjúklingabringunum á pönnu upp úr smá olíu, passið að steikja ekki í gegn. Saltið og piprið. Leggið í olíuborið eldfast mót.

3. Stillið ofninn á 180°.

4. Steikið laukana í smá stund. Setjið  tómata, tómatamauk og lárviðarlauf saman við og látið malla á vægum hita í 15 mínútur. Hendið lárviðarlaufinu.

5. Hellið maukinu í matvinnsluvél eða blandara. Setjið 1 dl af sýrðum rjóma saman við ásamt, chilí og kóríander. Maukið og smakkið til með salti og pipar. Hellið sósunni yfir kjúklinginn og sáldrið 1 dl af rifnum mozzarellaosti yfir. Bakið í 15-20 mínútur.

6. Setjið límónusafa, börk og ólívuolíu saman við soðið kínóað. Blandið öðrum hráefnum saman við og smakkið til með pipar.

7. Berið fram með sýrðum rjóma og límónubátum.

Uppskrft frá Gott Í Matinn HÉR

Höfundur: Erna Sverrisdóttir