Erna Sigmundsdóttir skrifar Flokkað undir Matur & Vín.

Sykur- og hveitilaus lagkaka sem klárast alltaf strax

Lagkaka

3 egg – aðskilja rauður og hvíturnar

100 g Gott í matinn rjómaostur til matargerðar

2 msk möndlumjöl

1 tsk vínsteinslyftiduft eða venjulegt lyftiduft

15 dropar kanil stevia (má sleppa)

salt klípa

30 g sukrin melis

2-3 msk brúnkökukrydd

lagkaka_litil

Stífþeytið eggjahvíturnar ásamt lyftidufti og salt klípu. Þeytið hitt hráefnið í annarri skál. Bragðið á til að finna hversu mikið brúnkökukrydd þið viljið. Bætið eggjahvítum varlega saman við seinni skálina. Dreifið á olíuborinn bökunarpappír eða smjörpappír sem fyllir heila ofnskúffu. Bakið við 175 gráður í 10-15 mínútur.

Krem:

100 g smjör

80 g sukrin melis

1 msk vanilluextract eða dropar

10 dropar vanillu stevia (má sleppa)

 

Þeytið smjörið ásamt örlítlu af sukrin melis. Bætið smátt og smátt meiru af sætu út í og síðast setjið þið vanilla extract eða vanilludropa í kremið.

 

Skerið deigið í sex jafnstóra bita. Smyrjið kremi á einn bitann, setjið síðan lag yfir og endurtakið þar til úr verður þrjár hæðir. Setjið kökurnar í álpappír og geymið í kæli.

Uppskrift  Hafdís Priscilla Magnúsdóttir

Uppskrift Gott í Matinn HÉR