Erna Sigmundsdóttir skrifar Flokkað undir Matur & Vín.

Sykur- og hveitilausar amerískar pönnukökur

Innihald:
1 stk. stórt egg eða 2 lítil
4 msk sýrður rjómi, 18% eða 36%
60 g haframjöl (fyrir glútenlausar pönnukökur þarf að nota glútenlaust haframjöl)
30 g möndlumjöl
1 tsk vínsteinslyftiduft eða lyftiduft
1 msk Sukrin Gold
1 tsk vanilludropar
rjómi eftir þörfum

Aðferð:

Myljið haframjölið vel niður með töfrasprota eða í matvinnsluvél þar til verður að fínu dufti.

Blandið öllu saman í skál. Ef deigið er of þykkt bætið við 1-2 msk af rjóma við.

Steikið á pönnu með smjöri á miðlungshita. Gerið litlar pönnukökur, eða stórar (eftir því hvað hentar ykkur).

Berið fram með sykrulausu sírópi (t.d. Fibersirup Gold sem er trefjamikið og hefur lítil sem engin áhrif á blóðsykurinn), þeyttum rjóma og eða berjum.

Höfundur: Hafdís P. Magnúsdóttir